實習日誌一︰書廊終結曲

Hello 我叫子諾，平時喜歡閱讀、音樂、下棋、思考。DSE過後為了打發時間，參加「試」「習」program。沒想到實習一個月後，不但從各方面重新應（認）識自己，還培養許多品格和情操。希望日後也可以透過知識和經驗，成為一個有「餡」的年青人。

實習地點︰突破書廊

14/6（二）

今日第一日返工，由於我係理科人，並沒有商科有關嘅知識，第一日首先上堂科普（對別人解釋某種專業知識）一下啲商科知識，學識一條銷售鏈裏面包含嘅元素，再思考一下突破機構本身重視嘅價值，以便日後被客人問起時，可以回答有質素嘅正確答案。雖然對於理科人有啲辛苦，但係積極了解新知識都係工作一還（環）。

15/6（三）

經過尋日上堂之後，今日第一日落舖頭開工，學識點樣開舖、執書、補貨、打價，基本上係一個銷售店裏面營運過程需要學識嘅嘢。喺舖頭工作過程中，有機會同更多同事和客人接觸。儘管進入一個工作環境嘅變化好大，好彩有一班好好嘅同事悉心指導我每一步，以便我適應新環境。

23/6（四）

今日開舖嗰陣見到有幾個坐墊爆開咗，估唔到中學嗰陣學嘅縫紉有用返出嚟嘅機會。我用萬字夾加尼龍繩製成一個臨時針線，雖然手工有點粗糙，但可以補好一個坐墊，就多一個客人可以坐低，於是我就利用開舖前的時間完成修補工作。

24/6 （五）

今日有機會去到一間中學向同學介紹不同書籍。推介嘅書同每個人心路成長歷程都有關（推介的書關於青少年成長），並且透過不同嘅遊戲和活動，幫助同學尋找適合自己嘅書籍。見到不同性格嘅學生，好似搵番畢業之前青春嘅自己。

7/7 （四）

最後幾日要嘗試自己試寫一個promotion plan，向公眾推廣一件產品或者一種文化，再設計一張poster對外宣傳。我認為呢一個係一個好好try an（trial and）error嘅機會，因此我選擇比較難度高嘅文化進行推廣。縱使我嘅宣傳計劃較紙上談兵，但老細都十分欣賞我嘅想法同完成度。

實習日誌二︰那些年，我在心義行的日子

你好，我係Edison。我係一個好動同溫和嘅人，平時中意做運動，如跑步、游泳。

實習地點︰心意行（非牟利組織）

16/6（四）

那天去了水泉澳屋邨做社區探索。我們分了幾組，每組都有位住在水泉澳的家長帶我們做探索。其實頭半段我是完全不知道在做什麼，但在最後的總結環節就知道是為了水泉澳計劃做一個開始。給了我一個衝擊，原來社區工作可以這樣做。

18/6（六）

那天有歷奇活動，是夜行龍脊。那是我第一次跟行山活動，參加活動的家長和孩子們都認識了許久，作為一個有些怕生的新人，雖然參加者們都十分親切，但都感覺有些融入不了。

23/6（四）

那天開了一整天會，討論有關特刊和其他事件。我覺得幾有趣的是，我上司抽了一小時去給我們反思和分享一件最近發生並值得感恩的事。我覺得我更加了解我每一位同事，促進彼此的關係。

26/6（日）

那天是我第二次參加行山活動，去行西高山。鑑於上次的經歷，我都害怕那天融入不了。但出乎意料的是，一路上孩子們都一直跟我聊天和玩，甚至有上次見過的家長和我說「明明只見過一次，但好似識咗你好耐」，活動後我都好開心。

29/6（三）

那天要為特刊的文章，去採訪水泉澳的家長們。其實採訪之前都好緊張，因為沒有相關經驗，怕到時出錯。但幸好最後都順利完成，而且我發現採訪過程比想像中累。但經歷完今次後，都學習了不少。